Roxín Roxal & Ti Podes Paralos!

A Asociación Cultural Libre de Paderne Roxín Roxal desde os seus inicios asume un compromiso primordial na defensa do patrimonio natural e do patrimono histórico. Ante a actual especulación acometida en Galiza a causa da macroexplotación da enerxía eólica, a nosa asociación decide reforzar o seu apoio á causa.

Considerando a gravidade das actuacións que provocan a destrucción de incalculable patrimonio, dun xeito ilexítimo e desaprensivo, a AC Roxín Roxal, co fin de contribuir á recadación dun fondo común, unése á campaña solidaria "Ti Podes Paralos' en calidade de asociación embaixadora. 

Axúdanos a acadar o noso obxectivo!